Davlatimiz rahbari Oliy Majlis Senati va Qonunchilik palatasiga navbatdagi Murojaatnomasida o`tgan yili amalga oshirilgan ishlar va kelgusi rejalarni ta`kidlab o`tdi.
Davlatimiz rahbari 2020 yil nomida belgilangan sohalarni ustuvor darajada rivojlantirish va isloh etish bo`yicha ustuvor yo`nalishlarni belgilab berdi:
“Bog`cha yoshidagi bolalarni maktabgacha ta`lim bilan qamrab olish darajasini, joriy yilda 60 foizga etkazishimiz zarur.
Ushbu maqsadlarga joriy yilda byudjetdan qariyb 2 trillion so`m mablag` ajratiladi.
Bu yildan boshlab, tariximizda ilk bora 6 yoshli bolalarni maktabga tayyorlash tizimi joriy qilinadi.
Bunga byudjetdan 130 milliard so`m ajratilib, bu jarayonda xususiy maktabgacha ta`lim muassasalari ham bevosita ishtirok etadi.
