Qozog`istonning Temirtau shahrida 1 fevral kuni qora qor yog`di. Bu holat mamlakat Ekologiya, geologiya va tabiiy resurslar vazirligini tekshiruv o`tkazishga undadi, deb xabar qildi Sputnik Qozog`iston nashri.
Ta`kidlanishicha, tekshiruv natijalari jamoyatchilikka ma`lum qilinadi.
Bu shahar hududidagi birinchi qora qor yog`ishi emas. 2018 yilda xuddi shunday holat kuzatilgandi. O`shanda “ArselorMittal Temirtau” kompaniyasi atrof-muhitni ifloslantirgani uchun 600 million tenge (1,6 million dollar atrofida) miqdorida jarimaga tortilgan edi.
Qora qor yoqqani aks etgan video lavha Temirtau.siti Instagram ijtimiy tarmog`ida e`lon qilingan.