O’zLiDeP matbuot xizmati tomonidan yangi tashkil etilayotgan avikompaniya “Humo air” va ushbu sohadagi monopoliyaga bag`ishlab videolavha tayyorlandi. Unda fuqarolardan yangi kompaniya kerakmi yoki yo`q mazmunida fikrlar so`raldi. Shuningdek, lavhada mutaxassislar fikri bilan ham o`rtoqlashildi.
Lavhada Oliy Majlis Qonunchilik palatasiga O’zLiDePdan saylangan deputat Nodir Jumaev mamlakatdagi monopoliya haqida gapirdi.
U o`tgan yili avgustda Yaponiyaga ketish oldidan sodir bo`lgan chipta bilan bog`liq muammoni ham esladi.
“Avgust oyida Yaponiya moliya vazirligining tavsiyasiga ko`ra Yaponiyaga borishga to`g`ri keldi. Shunda chipta olgani borganimda bilet tugagan deyishdi. Qattiq iltimoslar natijasida bilet olishga muvaffaq bo`lindi. Samolyotga chiqqanimda 260 o`rinli samolyotda 40 kishi uchib ketdik. Bu ham monopoliyaning ta`siri”, – dedi deputat.