Bugun koronavirus infeksiyasi tarqalishining oldini olish maqsadida O`zbekiston Respublikasi Bosh vaziri Abdulla Aripov boshchiligida yig`ilishi bo`lib o`tdi. Unda bir qator qat`iy choralar belgilandi. Bu haqda Sog`liqni saqlash vazirligi rasmiy xabar berdi.
Jumladan, yurtimizdagi barcha maktabgacha ta`lim muassasalari, umumta`lim maktablari hamda oliy o`quv yurtlariga joriy yil 16 mart kunidan boshlab ta`til beriladi.
Koronavirus tarqalishining oldini olish maqsadida O`zbekistonda Navro`z umumxalq sayllari ham bekor qilinadi. Ommaviy marosimlar, jumladan, uloq-ko`pkari, kurash va boshqa odamlar ko`p to`planadigan tadbirlar vaqtincha o`tkazilmaydi. Barcha davlat va nodavlat tashkilotlarida majlislar o`tkazish ham vaqtincha to`xtatiladi.
Bundan tashqari, ertadan boshlab O`zbekistonning xorijiy davlatlar bilan avia va avtomobil qatnovlari to`xtatiladi. Yurtimiz fuqarolarining chet davlatlarga chiqishi, chet davlat fuqarolarining mamlakatimizga kirishi taqiqlanadi. Chet davlatlardagi o`zbekistonliklarning qaytishi uchun shart-sharoitlar yaratiladi.
Hukumat karantin vaqtida narx-navoni asossiz oshirish holatlariga qarshi keskin choralar ko`radi. Bunga Bosh prokuratura huzuridagi departament ham Davlat soliq qo`mitasi jalb qilingan. Oziq-ovqat va boshqa zaxiralar etarli darajada g`amlangan.
Shuningdek, karantin vaqtida yolg`on va tekshirilmagan hamda odamlarda vahima uyg`otadigan xabarlar tarqatgan shaxslarga nisbatan amaldagi qonunchilik doirasida jinoiy javobgarlikkacha bo`lgan choralar ko`riladi.
Eslatib o`tamiz, bugun Respublika Virusologiya instituti laboratoriyasida Fransiyada bo`lib qaytgan bir nafar O`zbekiston fuqarosida koronavirus infeksiyasi aniqlangan edi.
Hozirda epidemiologik surishtiruv hamda kasallikni tarqalib ketmasligi uchun profilaktik chora-tadbirlar to`liq amalga oshirilmoqda.
10.01.2022, 20:22
9 yanvar kuni O`zbekistonda koronavirusning yangi "omikron" shtammi bilan kasallangan ilk fuqaro aniqlangani ma`lum qilindi. Xabarda aytilishicha, bu 7 yanvar kuni aniqlangan. O`zbekistonda Omicron shtammi aniqlangani...
11.12.2021, 11:52
Kecha yurtimizda koronavirus infeksiyasiga chalingan bemorlar soni keskin oshib, birgina Toshkent shahrida 100 nafardan ziyod kishida kasallik aniqlandi.SSV xabariga ko`ra, 2021 yil 10 dekabr holatiga...
03.04.2020, 23:11
Ayni vaqtgacha O`zbekistonda koronavirus infeksiyasi aniqlangan shaxslar soni 6 taga oshib, 227 nafarni tashkil etmoqda.
24.01.2020, 08:43
Sog`liqni saqlash vazirligi va Sanitariya-epidemiologik osoyishtalik agentligi tomonidan bugungi kunda dolzarb bo`lib turgan koronavirus hamda gripp kasalliklariga bag`ishlangan matbuot anjumani bo`lib o`di.Unda mutaxassislar tomonidan Xitoy Xalq...
