Avstriyaning Tirol federal hududida 95 yoshli otaxon koronavirusdan tuzalib, klinikadan chiqdi, deb xabar berdi ria.ru nashri.
Xabarda aytilishicha qariyalar uyida yashovchi bu sal kam yuz yoshlik otaxonda infeksiya alomatlari 15-martda aniqlangan. Uni holsizlik, isitma va yo`tal bezovta qilgan. Shundan so`ng otaxon Insbruk klinikasining yuqumli kasalliklar bo`limiga yotqizildi.
Shifoxonaga yotgach bemor ahvoli kundan-kunga yaxshilana boshladi. Uch haftadan so`ng, koronavirusga topshirilgan tahlil natijalari unda manfiy chiqdi. Bu mo``jiza keksa yoshda ham ushbu kasallikni engish mumkinligini ko`rsatdi.
Avstriya sog`liqni saqlash vazirligi ma`lumotiga ko`ra, respublikada koronavirus tufayli vafot etganlar soni 7 aprel sanasiga qadar 243 nafarga etgan, jami 12,5 ming kishi kasallangan. Ayni vaqtda mamlakatda kundalik statistikaga ko`ra koronavirusdan tuzalganlar xastalikka chalinganlar sonidan ko`pni tashkil qilmoqda.
