Belarus respublikasi prezidenti Aleksandr Lukashenko mamlakatda koronavirus infeksiyasi tarqalishini hamon inkor etmoqda: «Men yana bir bor shifoxonada davolanayotganlar va koronavirus testi musbat natija qayd etilganlarga murojaat qilmoqchiman: xavotirga aslo o`rin yo`q -- bizning mamlakatda koronavirusdan hech kim o`lmaydi".
Biroq mamlakat sog`liqni saqlash vazirligi matbuot xizmatining xabar qilishicha, Belarusda bir kunda 447 kishi koronavirusni yuqtirib olgan va shuningdek, mazkur infeksiyadan uch kishi vafot etgan. Umuman, mamlakatda ushbu kasallikka chalinganlar soni 3728 nafarga etgan va vafot etganlar soni esa 36 nafarni tashkil etadi.
