Беларусь республикаси президенти Александр Лукашенко мамлакатда коронавирус инфекцияси тарқалишини ҳамон инкор этмоқда: «Мен яна бир бор шифохонада даволанаётганлар ва коронавирус тести мусбат натижа қайд этилганларга мурожаат қилмоқчиман: хавотирга асло ўрин йўқ -- бизнинг мамлакатда коронавирусдан ҳеч ким ўлмайди".
Бироқ мамлакат соғлиқни сақлаш вазирлиги матбуот хизматининг хабар қилишича, Беларусда бир кунда 447 киши коронавирусни юқтириб олган ва шунингдек, мазкур инфекциядан уч киши вафот этган. Умуман, мамлакатда ушбу касалликка чалинганлар сони 3728 нафарга етган ва вафот этганлар сони эса 36 нафарни ташкил этади.
