Ayni damlar tom ma`noda xalqimizni birlashtirdi. Chin insoniy xislatlar – og`ir damda bir-biriga ko`mak berish, dardiga malham bo`lish har qachongidan ko`proq yuzaga chiqmoqda. Karantin tufayli ehtiyojmand aholi qatlamini qo`llab-quvvatlash, pandemiya davridagi etishmovchiliklardan betalofat chiqish uchun barcha joyda bo`lgani kabi Qibray tumanida ham xayrli ishlar amalga oshirilmoqda.
Bugun MIB Qibray tuman bo`limidan ham yaxshi xabar oldik. Bo`lim tomonidan bir necha kunda buyon xomiylar hamkorligida xayriya tadbiri amalga oshirilmoqda ekan. Ma`lum bo`lishicha, tumandagi ijtimoiy himoyaga muhtoj 55 ta xonadonga:
- elektr energiyasi to`lovi uchun 5 mln 500 ming so`m;
- tabiiy gaz tulovi uchun 5 mln 500 ming so`m,
jami 11 mln. so`m elektr energiyasi va tabiiy gaz iste`moli uchun to`lovlar o`tkazib berilgan.
MIB Qibray tuman bo`limi xodimlari to`lovlar haqidagi xabarnomalarni xonadon egalariga topshirishgandabeg`araz bunday ko`makdan aholi minnatdor bo`ldi. Xalqimiz urf-odatiga ko`ra, qo`llar duoga ochilib ezgu tilaklar izhor qilindi.
