Shu yilning 25 aprel kuni soat 02:45 da Mirzo Ulug`bek tumanida joylashgan “Rumi” kafesi qarshisida bir noma`lum shaxs ichki ishlar organlari xodimlarini ko`rib, shubha uyg`otuvchi xatti-harakatlarni qila boshlaydi.
Shu sabab ichki ishlar xodimlari uni 6-sonli IIBga olib borib xolislar ishtirokida tekshirishganda, sport kurtkasining cho`ntagidan polietilen paket ichida qog`oz bo`laklariga o`ralgan jami o`n sakkiz dona yashil rangli o`tkir hidli o`simliksimon modda topilgan.
IIV Axborot xizmatining ma`lum qilishicha, fuqaro K.S. Toshkent viloyati, Bekobod shahrida yashashi, muqaddam Jinoyat kodeksining 169-moddasi bilan jinoiy javobgarlikka tortilganligi aniqlandi.
Hozirda mazkur holat yuzasidan surishtiruv ishlari olib borilmoqda.