Joriy yilning 26 may kuni soat 20:00 larda, Toshkent shahar, Sirg`ali tumani TXAY-Qumariq ko`chalari chorrahasida 1969 yilda tug`ilgan haydovchi T.Q. (erkak) “Neksiya-2” sini boshqarayotib, asosiy yo`ldan kelayotgan, 1998 yilda tug`ilgan haydovchi I.E. (erkak) boshqaruvidagi “Tiko” ni o`tkazib yubormasdan harakatlanganligi oqibatida to`qnashuv sodir etgan. Bu haqda IIV YHXBB Axborot xizmati xabar bermoqda.
Natijada, “Neksiya-2” rusumli transport vositasi yo`lovchisi 1981 y.t. A.Q. (erkak) og`ir tan jarohatlari olib hodisa joyida vafot etgan.
“Tiko” rusumli transport vositasi haydovchisi I.E. tan jarohati olib shifoxonaga yotqizilgan.
Mazkur YTH yuzasidan Sirg`ali tumani IIO va FMB TB tomonidan surishtiruv ishlari olib borilmoqda.
