Avval xabar qilinganidek, 24 iyun kuni Moskvada G`alaba paradi bo`lib o`tadi. Unda O`zbekiston Prezidenti Shavkat Mirziyoev borishi kutilmoqda. Shuningdek, tadbirda o`zbek harbiylari ishtirok etishi ma`lum qilindi.
18 iyunda Ozarbayjon prezidenti Ilhom Aliev mamlakatdagi og`ir epidemiologik vaziyat sabab Moskvadagi ushbu paradga kela olmasligini bildirgan. Shuningdek, «RIA Novosti»ning xabar berishicha, Armaniston bosh vaziri Nikol Pashinyan ham koronavirus sabab Moskvada bo`lib o`tadigan G`alaba paradiga bora olmasligini ma`lum qilgan, deya yozdi Daryo.
