Biroz avval Qashqadaryoning Koson tumanida 18 yoshli M.Jo`raeva o`z joniga qasd qilganligi haqidagi xabar bergandik.
Holat yuzasidan Bosh prokuratura bayonot berdi.
"2020 yil 9 may kuni Koson tumani, I.Karimov ko`chasida joylashgan uyda ijarada yashab kelgan M.Jo`raeva (2002 y.t.) o`zini osib, vafot etgan.
Tekshirish davomida, marhuma M.Juraevaning turmush o`rtog`i bilan o`rtalarida doimiy ravishda urish-janjal bo`lib kelganligi, turmush o`rtog`i uni haqorat qilib urib tan jarohati etkazib, sha`ni va qadr-qimmatini kamsitib kelganligi aniqlangan.
Mazkur holat yuzasidan 08.06.2020 yilda Koson tumani prokuraturasi tomonidan Jinoyat kodeksining 103-moddasi (O`zini o`zi o`ldirishga undash) bilan jinoyat ishi qo`zg`atilgan" deyiladi xabarda.
Ayni paytda tergov harakatlari olib borilmoqda.