Bosh prokuratura huzuridagi Departamentning Qoraqalpog`iston Respublikasi Bo`zatov tuman bo`limi tomonidan prokuratura va IIV xodimlari hamkorlikda o`tkazilgan tezkor tadbirda, Bo`zatov tumani Aholi bandligiga ko`maklashish markazi direktori vazifasini bajaruvchi I.B. xizmat mavqeidan foydalanib, markaz inspektori A.ni ishdan bo`shatmaslik evaziga 2 mln so`m talab qilib, shundan, 22.06.2020 yilda 1,5 mln so`mini olib, qolgan 500 ming so`mini olgan vaqtida ashyoviy dalil bilan ushlangan.
Mazkur holat yuzasidan A.B.ga nisbatan Jinoyat kodeksining 210-moddasi 2-qismi bilan jinoyat ishi qo`zg`atilib, tergov harakatlari o`tkazilmoqda. Bu haqda Darakchi.uzga Bosh prokuratura matbuot xizmati xabar berdi.
