Bosh prokuratura huzuridagi Departamentning Sergeli tuman bo`limi tomonidan tergovga qadar tekshiruv o`tkazildi va respublika “Mahalla” xayriya jamoat fondi Sergeli bo`limi mansabdor shaxslariumumxalq xayriya hashari hisobidan kelib tushgan mablag`larni o`zlashtirgani aniqlandi. Bu haqda Bosh prokuratura Darakchiga xabar bermoqda.
Mansabdorlar go`yoki ijtimoiy himoyaga muhtoj oilalar uchun sovg`a, moddiy yordam pullari berilganligiva boshqa ijtimoiy yordamlar ko`rsatilganligi haqida soxta bayonnomalarni rasmiylashtirish orqali 95,8 mln so`m mablag`larni talon-toroj qilgan.
Mazkur holat yuzasidan Respublika “Mahalla” xayriya jamoat fondi Sergeli bo`limi mansabdor shaxslariga nisbatan Jinoyat kodeksining
167-moddasi 2-qismi bilan jinoyat ishi qo`zg`atilib, tergov harakatlari o`tkazilmoqda.