Haydar Aliev (Temiryo`lchilar) ko`chasida ta`mirlash ishlari olib borilishi sababli 10 iyul soat 8:00 dan Sariko`l ko`chasidan Ozarbayjon madaniyat markazigacha bo`lgan qismi harakatlanish uchun qisman yopildi. Bu haqda Toshkent shahar hokimligi Matbuot xizmati xabar qildi.
Ta`mirlash ishlari ikki kun davom etadi. Ikki yo`nalishdagi harakatlanish yo`lning bir tomoni bo`ylab amalga oshiriladi.
Tirbandliklarning oldini olish maqsadida haydovchilarga aylanma yo`llardan foydalanishlari tavsiya qilinadi.
Eslatib o`atmiz, avvalroq, 10 iyul soat 8:00 dan Sag`bon ko`chasining ma`lum qismi ikki kunga yopilishi xabar qilingan edi.