Сағбон кўчасида таъмирлаш ишлари амалга оширилиши сабабли ушбу кўчанинг Нурафшон кўчасидан Фаробий кўчасигача бўлган қисми 10 июль соат 8:00 дан ҳаракатланиш учун икки кунга қисман ёпилади. Бу ҳақда Тошкент шаҳар ҳокимлиги Матбуот хизмати хабар қилди.
Икки томонлама ҳаракатланиш йўлнинг бир томонида амалга оширилади.
Тирбандликларнинг олдини олиш мақсадида ҳайдовчиларга айланма йўллар орқали ҳаракатланишни тавсия этамиз.
Ноқулайликлар учун узр сўраймиз, дейилади хабарда.
