Tojikiston prezidenti Emomali Rahmon 11 iyul kuni mamlakatda koronavirus pandemiyasi tufayli qiyin ahvolga tushib qolgan ijtimoiy zaif aholi qatlamiga bir martalik yordam pulini ajratish to`g`risida qarorni imzoladi. Bu haqda prezident matbuot xizmati ma`lum qildi.
Unga ko`ra, 1 avgustga qadar mamlakatda pandemiya tufayli qiyin ahvolga tushib qolgan ijtimoiy zaif aholi qatlamini va ehtiyojmand oilalar ro`yxati tasdiqlanib, ularga eng kam ish haqining 1 baravari miqdorida (40 dollar atrofida) bir martalik yordam puli ajratish ko`zda tutilgan.
Emomali Rahmon mamlakatning «Amonatbonk» bankiga tasdiqlangan ehtiyojmand fuqarolar ro`yxati bo`yicha ularga yordam pulini bank kartalariga tashlab berishni, agar kartalari bo`lmagan taqdirda, naqd berish topshirig`ini berdi.