Bu haqda O`zbekiston Respublikasi Notarial palatasi xabar berdi.
Koronavirus infeksiyasi tarqalishiga qarshi kuchaytirilgan tartib joriy etilishi munosabati bilan 2020 yilning 10 iyuldan boshlab xususiy amaliyot bilan shug`ullanuvchi notariuslar:
notarial harakatlarni rasmiylashtirish jarayonida koronavirusning kirib kelishi va tarqalishining oldini olish choralarini ko`rishi;
fuqarolar esa notarial idoralarga kechiktirib bo`lmaydigan zaruriyat bo`lgan hollardagina murojaat etishi lozim.
▫️ Fuqarolar:
e-notarius.uz sayti orqali tegishli notariusga onlayn navbatga yozilishi;
notarial harakatlar yuzasidan maslahatlar va savollarga javob olish uchun @notariusmaslahatibot telegram boti orqali murojaat etishi mumkin.
Karantin sharoitida faoliyatini davom ettirayotgan notarial idoralar manzillari va ular haqdagi boshqa ma`lumotlar Notarial palataning Facebook ijtimoiy tarmog`idagi sahifasi orqali muntazam yoritib boriladi.