Bugun AOKA huzuridagi shtabda Koronavirusga qarshi kurash shtabi a`zosi Habibulla Oqilov ishtirokida brifing o`tkazildi. U muhim savollarga javob qaytardi.
"Homilador ayol koronavirusga chalinganda qanday muolaja olishi kerak va bu muolaja oddiy muolajadan nimasi bilan farqlanadi?"
– Homilador ayol koronavirusga chalinsa, ayollar maslahatxonasidagi kuzatuvchi shifokori va oilaviy poliklinikadagi shifokoriga murojaat qiladi. Agar kasallik simptomsiz kechayotgan bo`lsa, barcha epidemiologik va gigienik tadbirlarga rioya qilgan holda uy sharoitida yakkalangan tartibda nazoratda bo`ladi. Kasallik alomatlari paydo bo`lsa, zudlik bilan maxsus ajratilgan kasalxona yoki tug`ruq kompleksiga stasionar davolanishga o`tkaziladi.
