AOKA zalida bo`lib o`tgan matbuot anjumanida Koronavirusga qarshi kurash shtabi a`zosi Habibullo Oqilov O`zbekistondagi epidemiologik vaziyat haqida ma`lumot berib, jurnalistlarning savollariga javob qaytardi. Xususan, bugungi kunda nega koronavirus aniqlangan tashkilot va hududlar 14 kunga yopilmayotganiga aniqlik kiritildi
"Koronavirusga mo`ljallanmagan shifoxonalarda koronavirus aniqlansa, uni 14 kunga yopib tashlar edik. Jahon tajribasi shuni ko`rsatdiki, bu noto`g`ri yo`l.
Hozircha koronavirus chiqadigan bo`lsa, o`sha bo`limning o`zini yopyapmiz. U ham — bir kunga.
Xodimlarini yakkalanish yoki karantinga olyapmiz. Kerakli choralar o`tkazilgandan keyin, tahlillar olingandan keyin, ertasiga ochilyapti. Shuning uchun qaysidir shifoxona karantinga yopildi, deyish mutlaqo noto`g`ri", - izohladi Habibullo Oqilov
