АОКА залида бўлиб ўтган матбуот анжуманида Коронавирусга қарши кураш штаби аъзоси Ҳабибулло Оқилов Ўзбекистондаги эпидемиологик вазият ҳақида маълумот бериб, журналистларнинг саволларига жавоб қайтарди. Хусусан, бугунги кунда нега коронавирус аниқланган ташкилот ва ҳудудлар 14 кунга ёпилмаётганига аниқлик киритилди
"Коронавирусга мўлжалланмаган шифохоналарда коронавирус аниқланса, уни 14 кунга ёпиб ташлар эдик. Жаҳон тажрибаси шуни кўрсатдики, бу нотўғри йўл.
Ҳозирча коронавирус чиқадиган бўлса, ўша бўлимнинг ўзини ёпяпмиз. У ҳам — бир кунга.
Ходимларини яккаланиш ёки карантинга оляпмиз. Керакли чоралар ўтказилгандан кейин, таҳлиллар олингандан кейин, эртасига очиляпти. Шунинг учун қайсидир шифохона карантинга ёпилди, дейиш мутлақо нотўғри", - изоҳлади Ҳабибулло Оқилов
