Surxondaryoda sud raisi va sud xodimlariga nisbatan IIB xodimlari tomonidan qilingan tahqirlash va ularni obro`sizlantirib do`pposlangani haqida xabar qilgan edik.
Ushbu voqeaga Adolat” SDP o`z pozisiyasini bildirgan edi. Bundan tashqari holat Senatning Surxondaryo viloyatiga biriktirilgan senatori tomonidan senatorlik nazoratiga olindi.
Bosh prokuratura Matbuot kotibining ma`lum qilishicha, mazkur holat yuzasidan Surxondaryo viloyati prokuraturasi tomonidan o`tkazilgan tekshirish natijasiga ko`ra, JKning 206-moddasi (Hokimiyat yoki mansab vakolati doirasidan chetga chiqish) bilan jinoyat ishi qo`zg`atilib, tergov harakatlari olib borilmoqda.
Tergov harakatlari Bosh prokuratura tomonidan nazoratga olingan.