Nega yuqori havo harorati va past namlikda ham COVID-19 faolligi pasaymayapti, aksincha kasallanish holatlari ko`payib bormoqda? Kasallik boshlanganda yuqori harorat va past namlikda kasallik kamayishi aytilgan edi?
Aholidan kelib tushgan ushbu savolga AOKA huzuridagi shtabda bo`lib o`tgan brifingda ishtirok etgan Sanitariya-epidemiologiya nazorati davlat inspeksiyasi rahbari Nurmat Otabekov quyidagicha javob berdi:
- Statistikaga ko`ra, COVID -19 tarqalishi mamlakatlarda har qanday iqlim va namlikda yuz berishi mumkin.
Mutaxassislar bu holatni ko`pincha virus tarqalishiga qulay sharoit bo`lgan binolarda kuzatilishi bilan izohlashadi.
Yuqori havo harorati, quyosh nurining to`g`ri tushishi, quruq havo virusni o`ldirishi isbotlangan va bu borada muhokamaga o`rin yo`q.
