Kitob tumani hokimligi Axborot xizmati ma`lum qilishicha, tuman sanitariya nazorat inspeksiyasi boshlig`i S.N. jamoat joyida niqob taqmasdan yurganligi holati bo`yicha bayonnoma rasmiylashtirilgan tartibbuzarlar Yu.Bo`ronova va R.Ismatova(ism familiyasi o`zgartirilgan)lardan ma`muriy jarima qo`llamaslik evaziga 800 ming so`m pulni pora tariqasida talab qilgan. Shu yilning 16 - iyul kunida 200 ming pulni pora tariqasida olib, qolgan 600 ming pulni 17 - iyul kuni soat 13:15 da Kitob tumani markazidagi eski avtoshohbekat oldida olayotgan vaqtida qo`lga tushgan.
Ayni paytda unga nisbatan O`zbekiston Respublikasi Jinoyat kodeksining 210 - moddasi 2- qismi "v" bandi bilan jinoyat ishi qo`zg`atilib, ehtiyot chorasi qo`llanilib qamoqqa olingan.
Shu o`rinda, bir mulohaza beixtiyor shuuringizda yolqinlanadi.Butun mamlakatda pandemiya sababli kechayotgan murakkab vaziyatda bu holatni nima deb baholash mumkin.Ya`ni, aholi salomatligi uchun mas`ul, davlatning bugungi kunda eng ishongan soha xizmatchisi sifatida SNI boshlig`ining hatti harakatlari qanday mezonlarga to`g`ri keladi?
Xalqimizda bor bo`lgan "Hamma to`y bilan, bo`ri qo`y bilan"degan maqol mazmuni shumikan yoki?!
