Bosh prokuratura huzuridagi Departamentning Parkent tuman bo`limi tomonidan tergovga qadar tekshiruv o`tkazildi.
Bosh prokuratura Matbuot xizmatining bizga bergan ma`lumotiga ko`ra, unda Sanitariya-epidemiologiya nazorati davlat inspeksiyasi Parkent tuman filiali mansabdor shaxslari tomonidan karantin qoidalarini buzgan 86 nafar fuqaroning qilmishiga yarasha jarima tayinlamaslik, qilmishni istisno etuvchi holatlar sifatida rasmiylashtirish orqali 397,6 mln so`mlik davlat manfaatlariga juda ko`p miqdorda zarar etkazilganligi aniqlangan.
Holat yuzasidan ushbu mansabdor shaxslarga nisbatan Jinoyat kodeksining tegishli moddalari bilan jinoyat ishi qo`zg`atildi.
Tergov harakatlari o`tkazilmoqda.
