Surxondaryo viloyatining Qumqo`rg`on tumani 1977 yilda tashkil etilgan. Tuman iqtisodiy jihatdan katta imkoniyatlarga ega bo`lishiga qaramasdan uzoq yillar davomida hatto tuman markazi hududida svetofor ham bo`lmagan.
Qumqo`rg`on tumani Surxondaryo viloyatining qoq markazida joylashgan. Xalqaro ahamiyatga molik M-41 “Bishkek-Dushanbe-Termez” trassasi tumanni ikkiga bo`lib turadi. Uning hududida 65 kvadrat kilometrli O`zbekistondagi yirik suv omborlardan biri Janubiy Surxon suv ombori joylashgan. Temir yo`l vokzaliga ham ega mazkur tuman ishlab chiqarish, xizmat ko`rsatish va boshqa iqtisodiyot tarmoqlari uchun juda qulay. Shu sababli tumanning yangi imidjini yaratish, uning iqtisodiy potensialini oshirish, aholi va tuman mehmonlariga qulayliklar yaratish va imkoniyatlari keng Qumqo`rg`onga sarmoyadorlarni jalb qilish maqsadida tuman hududida qisqa vaqt oralig`ida tarixiy o`zgarishlar, ko`zga ko`rinarli bunyodkorlik ishlari amalga oshirildi. M-41 yo`lining 1540-1541.7 kilometr masofasining kapital ta`mirdan chiqarilib, ravon yo`llar bo`ylab yoritish ustunlarining o`rnatilgani barcha yo`l harakati ishtirokchilari uchun qulaylik yaratdi.
Aholiga qulaylik yaratish, hududni ko`rkam go`shaga aylantirish maqsadida tuman hokimining tadbirkorlarni qo`llab-quvvatlashga qaratayotgan sa`y harakatlari natijasida eski bozor o`rniga 1.5 gektar er maydonida qiymati 65 mlrd. so`m bo`lgan yangi zamonaviy “Baraka savdo” MChJ savdo kopleksi qad ko`rmoqda.
Yana bir xayrli tashabbuslar davomi sifatida M-41 “Bishkek-Dushanbe-Termez” avtomobil yo`lining 1540- 1545 km masofasida, temir yul va bosh bekat oralig`idagi bir gektarli tashlandiq er maydoni o`rnida tumanning tashrif qog`oziga aylanishi kutilayotgan minora(kurant)ga ega “Yoshlar hiyoboni” barpo etildi. 300 million so`mlik ushbu loyiha 18 ta yangi savdo nuqtalari, bolalar uchun ko`ngilochar attraksion o`rnatilgan bo`lib, yoshlar va bolalarning miriqib hordiq chiqarishi uchun barcha qulayliklar va yoshlar uchun 50 ta ish o`rinlari yaratilgan.
Tuman hokimi Raxmatulla Gapparov tashabbusi bilan xalqaro investorlar homiyligida tez orada Janubiy Surxon suv ombori qirg`og`ida aholi va sayyohlar uchun mehmonxona va dam olish maskani barpo etilishi kutilmoqda. Tumanning turistik salohiyatiga xissa qo`shuvchi yirik loyihalarning amalga oshirilishini kuzatamiz va albatta biz bu manzilga yana qaytamiz.
Mavzuga oid:
Prezident tayinlagan yosh hokim koronavirus shifokorlari uchun yangi tashabbusni boshladi
21.06.2022, 11:59
Xalq deputatlari Qumqo`rg`on tumani kengashining navbatdan tashqari sessiyasida tashkiliy masala ko`rib chiqildi, deya xabar bermoqda Surxondaryo viloyati hokimligi matbuot xizmati. Viloyat hokimi To`ra Bobolov, mahalliy kengashlar...
11.11.2019, 18:14
Surxondaryo viloyati Qumqo`rg`on tumani “Bobolochin“ mahallasida yashab kelgan Mavluda Qulmatova 2019 yilning may oyida uyidan chiqib ketib qaytib kelmagan. Bu haqda Qumqo`rg`on tumani prokuraturasi “Xalq...
