JSST vakili Jenevada o`tkazilgan brifingda koronavirus bilan bog`liq vaziyat boshidan boshlanishi mumkinligini, bunga etarlicha dalillar borligini ma`lum qildi, deya yozmoqda geosiyosat kanali.
Tashkilotning ma`lumotlariga ko`ra, dunyoda koronavirus yuqtirganlar soni 16 millionga etgan, shundan 640 mingdan ortiq odam vafot etgan.
Umumiy ahvol juda murakkab: ba`zi joylarda virus agressiv tarzda tarqalmoqda, ba`zi joylarda yangi yuqtirish holatlari juda kam, ba`zi mamlakatlar esa epidemiyani engib o`tgan bo`lsa ham, yangi holatlar qayd etilgan.
«Hech bir mamlakat karantinga qaytishni istamasligi aniq. Uning iqtisodiy va boshqa oqibatlari etarli. Ammo virusning qanday tarqalishini to`g`ri tushunsak, tegishli chora-tadbirlarni qo`llay olamiz», - dedi JSSTning favqulodda vaziyatlar bo`yicha ijrochi direktori Mayk Rayan.
Uning so`zlariga ko`ra, ko`rilayotgan choralar aniq va tizimli bo`lishi kerak. «Agar ko`rsatmalar har ikki soatda o`zgarsa, bu aholi uchun juda qiyin, bu odamlarga salbiy ta`sir ko`rsatishi mumkin. JSST ba`zi bosqichlarda ularning samaradorligini ta`minlash uchun aniq choralar ko`rishni tavsiya qiladi», - dedi u.
Mayk Rayan, shuningdek, davlatlarni «muammoni yashirmaslikka» chaqirdi.
«Hokimiyatlarning haqiqiy vaziyatni yashirishi yoki uni chiroyliroq qilishga urinishi xavflidir. Mamlakatlar haqiqiy vaziyatni etkazib berishlarini va kasallik tarqalishini oldini olish choralarini ko`rishlarini istayman», - deya qo`shimcha qildi Rayan.
