Қозон шаҳридаги Korston меҳмонхонасида Россиялик миллиардер Игорь Сосиннинг ўғли Егор онаси Анастасия Сосиннинг бўғиб ўлдирди, деб хабар беради “Gazeta.ru”.
Ҳодиса юз берган пайтда Егор наркотик модда таъсирида бўлган. Унинг ўзи эса онаси берган таблеткаларни ичганидан сўнг нима қилаётганини билмай қолганини таъкидлаган.
Қотиллик 10 декабрдан 11 декабрга ўтар кечаси содир бўлган. Қозон шаҳри полициясининг маълумотларига кўра, 10 декабрь куни ярим тунда Korston меҳмонхонаси маъмурияти полицияга мурожаат қилган. Меҳмонхона ходимларига меҳмонлардан бирининг ўзини тутиши шубҳали кўринган.
“Воқеа жойига етиб келган полициячилар меҳмонхона йўлакларидан бирида кучли наркотик моддалар таъсирида бўлган йигитни кўрган. Унинг хонасида зўрлик ишлатиб ўлдирилганлик белгилари бўлган аёлнинг жонсиз танаси топилган”, — дейилади хабарда.
Полициянинг аниқлашича, кундуз куни аёл ўз ўғли билан меҳмонхона номерига жойлашган. Кечаси юз берган жанжал оқибатида эса ўғил онасини бўғиб ўлдирган.
Аниқланишича, ўлдирилган аёл Анастасия россиялик миллиардер Игорь Сосиннинг собиқ рафиқаси, унинг қотили эса миллирдернинг 19 ёшли ўғли Егор бўлган. Она ва ўғил Қозон шаҳрига тиббий муолажа курсларини олиш учун келган. Бу ҳақда Егорнинг ўзи полиция бўлинмасидаги кўрсатмалари тасвирланган видеороликда айтган.
