Понтеведра шаҳридаги сайловолди учрашувларидан бирида 17 ёшли ўсмир Испания бош вазири Мариано Рахойга шапалоқ туширди, деб хабар беради “Lenta.ru” хабар бермоқда.
Йигитча бош вазирга бирга суратга тушишни таклиф қилган, шундан сўнг унинг юзига шапалоқ тортиб юборган.
Гувоҳларнинг айтишича, йиғилган шаҳарликларнинг аксарияти бу қилмишни “Зўр! Зўр!” дея олқишлаган. Шундан сўнг йигитча бош вазирнинг зарбдан синиб кетган кўзойнагини ерга улоқтирган ва унинг қўриқчиларидан бирига тарсаки туширишга ҳам улгурган. Тан соқчилар тезлик билан ўсмирни тутиб, полиция бўлинмасига олиб кетган. Унинг бу қилмиши сабаблари ўрганилмоқда. Бош вазир мазкур ҳодисадан сўнг атрофдагиларга қарата “Бу қандай содир бўлиши мумкин?” дея таажжубланган.
60 ёшли сиёсатчининг ҳамроҳлари вазиятним юмшатишга уринган. бош вазир сайрни кўзойнаксиз давом эттирган ва митингда иштирок этиш учун Ла-Корунью шаҳрига жўнаб кетган.
