«Антитаналар миқдори организмга тушган вирус ҳажмига боғлиқ» — Севара Убайдуллаева

 Коронавирусга қарши кураш штаби аъзоси Севара Убайдуллаева: «Антитаналар миқдори организмга тушган вирус ҳажмига боғлиқ» —дейди. Бу ҳақда "Koronavirus Info" хабар берди.

 Организмга инфекция тушганидан сўнг унинг аломатлари юзага чиқадиган бўлса, бир ҳафта давомида касаллик авж олган даври деймиз. Кейин секин-аста организмнинг тикланиш даври бўлади. Бу даврда организмда иммуноглобулин М ва G ишлаб чиқилиши керак.

Биринчи бўлиб иммуноглобулин М антитанаси вирус организмга тушганидан ёки аломатлари сезилганидан 7-8 кундан бошлаб чиқади. Бу даврда турғун иммунитет ҳали бўлмайди.

 Организмда касалликка нисбатан курашувчан қобилият, унга нисбатан маълум фоизда сизни ҳимоя қилувчи иммуноглобулин G антитаначалари касалликнинг 21-18 кунларида максимал даражада ишлаб чиқарилиб, секин-аста кўтарилиб боради.

Антитана организмга тушган вирус ҳажмига боғлиқ бўлган ҳолда ишлаб чиқарилади. Унинг ҳажми қондаги антитаналар миқдорига қараб баҳоланади.