Ҳодиса бугун, 22 октябрь куни соат 07:35 да «Тошкент-Ўш» халқаро автомобиль йўлининг 200 km.da содир бўлган.
Пойтахт томон йўл олган «КИА» юк машинаси ҳайдовчиси бошқарувни йўқотиб, ён томонига ағдарилиб кетган.
Зудлик билан воқеа жойига етиб келган Фавқулодда вазиятлар вазирлигининг «Қамчиқ» махсус қидирув, ёнғин-қутқарув бўлими қутқарувчилари ҳайдовчига биринчи ёрдам кўрсатишди.
Унинг қўлидан олган жароҳати жиддий бўлмаганлиги сабабли шифохонага ётқизилмаган. Автомобиль эса техника ёрдамида энг яқин хизмат кўрсатиш шахобчасига олиб борилган.
Ички ишлар вазирлиги йўл-патруль хизмати ходимлари ҳам ушбу жараёнда ўзларининг ёрдамларини кўрсатдилар.
