CLICK тизими ўз фойдаланувчиларини профилактик ишлар ўтказилиши муносабати билан тизимда кузатилувчи узилишлардан огоҳлантирди. Бу ҳақда тизим сайтида хабар берилди.
“Профилактик ишлар ўтказилиши муносабати билан 22 январь 23:00 дан 23 январь 07:00гача, 23 январь 23:00 дан 24 январь 07:00 гача CLICK тизими вақтинча ишламаслиги мумкин”, – дейилади хабарда.
CLICK тизимига 2011 йилнинг ноябрь ойида асос солинган. Мазкур тизим орқали жисмоний шахслар уяли телефон воситасида тўловларни амалга ошириши мумкин.
