Қорақалпоғистон Республикаси Элликқалъа туманида оғир оқибатли ЙТҲ содир бўлди. Бу ҳақда ИИВ ЙҲХББ хабар бермоқда.
Маълум бўлишича, тумандаги халқаро аҳамиятга эга бўлган марказий йўлда ҳаракатланиб кетаётган "Кобальт" машинаси ҳайдовчиси қарама-қарши йўналишга чиқиб кетиб, "Спарк" билан тўқнашган.
Натижада ҳар иккала машина ҳайдовчилари воқеа жойида вафот этган. Шунингдек, "Кобальт" автомашинаси ичида бўлган икки нафар йўловчи жароҳат олиб, шифохонага ётқизилган.
