Жаҳон соғлиқни сақлаш ташкилоти маълумотларига кўра, дунёда коронавирус инфекциясини юқтирганлар сони 93 миллион 194 мингдан ортиқни ташкил этмоқда, шундан 2 миллион 014 мингдан зиёд киши вафот этган. Бу ҳақда ССВ расмий каналида хабар қилинди.
Охирги сутка давомида дунёда коронавирус инфекцияси билан касалланишнинг 683 378 янги ҳолати аниқланди, 12 893 нафар бемор вафот этди.
Жонс Хопкинс университетининг ҳозирги (18.01.2021 йил Тошкент вақти билан соат 10:22 ҳолати) маълумотларига кўра, дунёда касалликни 95 миллион 042 мингдан ортиқ одам юқтирган, улардан 2 миллион 030 мингдан ортиғи вафот этган.
Касаллик тасдиқланган ҳолатлар бўйича АҚШ биринчи ўринда турибди, у ерда ЖССТ маълумотларига кўра 23,344 миллиондан ортиқ коронавирус инфекциясини юқтирганлар аниқланган. Иккинчи ўринда Ҳиндистон (10,557 миллиондан ортиқ), учинчи ўринда Бразилия (8,393 миллиондан ортиқ), тўртинчи ўринда Россия (3,568 миллиондан ортиқ), бешинчи ўринда эса Буюк Британия (3,357 миллиондан ортиқ).
