Ўзининг ҳиёнаткор эркакларнинг маъшуқалари образлари билан машҳур бўлган актриса Феруза Собитованинг айнан мана шу мавзу юзасидан фикрлари билан қизиқдик. Ажабланарлиси, ана шундай роллари билан мухлислар кўнглидан жой олган актриса эркакларнинг бегона аёллар билан “юришини” оқлара экан. Аввалига тушунмадик, унинг фикрларини тинглагач эса... Хуллас сухбатни ўзингиз ўқиб кўринг.
- Феруза, сизнингча қандай эркаклар хиёнатга қодир?
- Биласизми, қалбан бой одам хиёнат қилмайди. Разил одамгина хиёнатга қодир. Мен эса учун эркакларнинг “чапга юриши” хиёнат саналмайди!
- Наҳотки?!
- Ҳа. Тўғри эшитдингиз. Ажабланманг, негаки у эркакларнинг табиатига хос оддий нарса саналади. “Юрмайдиган” эркакнинг ўзи йўқ. Бу қачон хиёнатга киради, қачонки у эркак оиласидаги аёлини ташлаб қўйса, у билан янги топган аёлини деб ажрашишгача борса, мана бу хиёнат! Бу мавзуда атрофидаги эркакларни фикрларини эшитганман, уларнинг аксарияти уйидаги аёлини асрайди, аммо “юради”. Баъзи эркаклар ана шундай ишга қўл ургач, уйидаги аёлини олдида виждони қийналар, қилган ишидан афсусланиб, турмуш ўртоғига севгиси янада ортар экан. Унга совға-саломлар олиб бериб, кўнглини олишга уринар экан. “Юрмаган” эркак, эркак эмас! (кулади).
Ёдгорбек ЮКСАЛ
