Аргентинанинг Кордоба шаҳрида 48 ёшли ҳакам Сезар Флорес футболчига қизил карточка кўрсатганидан сўнг ўша футболчи томонидан отиб ўлдирилди. Бу ҳақда goal.com нашри хабар бермоқда.
Майдондан четлатилгани учун ғазабга келган (исми аниқланмаган) футболчи ҳакамга қарата уч маротаба (боши, бўйни ва кўкрагига) ўқ узди.
48 ёшли Сезар ўша жойнинг ўзида жон берди. Шунингдек, майдонда тўп сураётган Уолтер Сарате ҳам жароҳат олган ва шу заҳоти шифохонага етказилган.
Таъкидлаш керакки, ҳакамнинг жонига қасд қилган футболчи мамлакат полицияси томонидан қидирилмоқда.