Давлат раҳбарлари ва сиёсатчиларнинг фарзандлари ҳар доим диққат марказида бўлиб келган. Айниқса улар қиз бола бўлса, бу эътибор икки карра кучаяди. Давлат раҳбарларининг қизларининг кийиниши, ўзини тутишадан тортиб, муваффақиятларигача кенг муҳокама қилинади.
Қуйида дунё президентларининг диққат марказида турувчи қизлари ҳақида сўз юритамиз.
Иванка ва Тиффани Трамп
АҚШ президентлигига номзод, таниқли магнат ва сиёсатчи Дональд Трампнинг икки қизи бор: Иванка ва Тиффани. 34 ёшли Иванка болалигидан машҳур. У ўшанда модель бўлишни орзу қиларди. 1997 йилда Иванканинг сурати ўсмир қизлар учун мўлжалланган ялтироқ муқовали журналда чоп этилган. Шундан сўнг Иванканинг моделлик фаолияти бошланди.
Бироз улғайгач, Иванка бу касбдан совиди. У кўпроқ тадбиркорлик ва ёзувчиликка қизиқа бошлади. У кейинроқ Trump Organization ташкилотининг президенти лавозимида фаолият юритди. Иванка турмушга чиққан, икки фарзанди бор, учинчисига ҳомиладор. Instagram ижтимоий тармоғида Иванкани 750 минг фойдаланувчи кузатади. Ҳозир у отасининг сайлов олди тарғибот-ташвиқот ишларига ёрдам беради.
Дональд Трампнинг иккинчи қизи Тиффани 22 ёшда. У Пенсильвания университетида социологияни ўрганади. У ҳам опаси сингари ижтмоий тармоқларда фаол.
Малия ва Саша Обамалар
АҚШнинг маликаларига ижтимоий тармоқлардан фойдаланиш тақиқланган. Аммо инглиз тилидаги ОАВлар уларнинг ҳар қадамини кузатиб боришади. 17 ёшли Малия ва 14 ёшли Саша бошқа тенгдошларидан фарқли равишда болалик билан эрта хайрлашган. Опа-сингилларнинг ҳар иккаласи Вашингтон шаҳридаги Sidwell Friends мактабида таҳсил олади.
2015 йилда The New York Post нашри Малияни ўта нозик дид соҳибаси эканлиги ҳақида мақола чоп этди. Шундан сўнг у модага оид журналлар ва фэшн блогерларнинг диққатини жалб этди. Malia Obama Is Gorgeous деб номланган блог Малияга бағишланган бўлиб, унда мунтазам равишда Малиянинг турли образлардаги суратлари чоп этилади.
2014 йилда опа-сингил Обамалар дунёдаги энг машҳур болалар рейтингида 4-ўринни забт этган.
Лейла Алиева
30 ёшли Лейла — Озарбайжон президенти Илҳом Алиевнинг катта қизи. У “Боку” ялтироқ муқовали журнали бош муҳаррири ва бобоси Ҳайдар Алиев номи билан аталадиган фонднинг вице-президенти ҳамдир. У Россияда Озарбайжон ёшлари ташкилотининг раҳбари, шунингдек IDEA “Атроф-муҳит муҳофазаси бўйича халқаро диалогнинг ташаббуслари” муассиси сифатида ҳам ном қозонган.
Лейла турмуш ўртоғи Crocus Group компанияси президенти Эмин Агаларов билан ажрашган. Унинг уч нафар фарзанди бор— ўғиллари Али ва Микаил ҳамда асраб олган қизи Амина.
Барбара Берлускони
31 ёшли Барбара FinInvest директорлари кенгаши аъзоси, “Милан” футбол клуби вице-президенти.
Барбаранинг шахсий ҳаёти узоқ йиллардан бери ОАВда кенг муҳокама қилинади. Айниқса футболчилар билан ишқий муносабатлари кўп муҳокама қилинадиган мавзулардан бири.
Барбара турмуш ўртоғи тадбиркор Жоржио Валагуцца билан ажрашганидан сўнг икки фарзандини тарбия қилмоқда.
Маълумотларга кўра, Барбара Россия президенти Владимир Путиннинг қизлари Мария ва Екатерина билан яқин муносабатда.
Женна Буш-Хагер
АҚШнинг 43-президенти Жорж Бушнинг қизи Женна Бушнинг қизи 34 ёшда. У 2008 йилда турмушга чиққан. Ҳозирда икки нафар фарзанди бор.
Instagram ижтимоий тармоғида уни 190 минг нафар фойдаланувчилар кузатиб боради.
Фрэнсис Эббот
Австралиянинг собиқ бош вазири Тони Эбботнинг қизи. Сиёсатчининг уч нафар қизи бўлишига қарамай, ўртанча қизи диққат-эътибор марказида. У ҳақда Австралия ОАВлари тинимсиз мақолалар чоп этади.
Марьям Наваз
Покистон бош вазирининг қизи 42 шёли Марьям Навазни Twitter ижтимоий тармоғида 1,71 миллион киши кузатиб боради. У шубҳасиз, мамлакатнинг энг таниқли аёлларидан бири.
Панжоб университетининг “Инглиз адабиёти” факультетини тамомлаган Марьям ҳозирда отасининг изидан бориб, сиёсат билан шуғулланмоқда. Бош вазир томонидан ишлаб чиқилган истеъдодли ёшларни қўллаб-қувватлаш дастурини ҳаётга татбиқ этиш унинг зиммасида.
Манба: lenta.ru
