"Барселона" жамоаси ҳужумчиси Неймар Испания фуқаролигини олишга қарор қилди.
Яқин орада 24 ёшли футболчининг Испанияга келганига уч йил бўлади. Бу эса, унга Испания фуқаролигини олиш имконини яратади. Ушбу маълумотни Неймарнинг агенти Вагнер Рибейро ҳам тасдиқлаган.
Қайд этиш жоизки, келиб чиқиши бразилиялик бўлган яна бир футболчи – Диего Коста “Атлетико” сафида тўп сураётган пайтида Испания фуқаролигини олган. Айни дамда у Лондоннинг “Челси” клубида фаолият олиб бормоқда.
