“Барселона” етакчиси Лионель Месси “Арсенал”га қарши кечган (2:0) ЕЧЛ 1/8 финалида дубль қайд этиб, жамоасининг ғалабасини таъминлади.
Диққатга лойиқ томони шундаки, 28 ёшли аргентиналик ҳужумчи фаолиятида биринчи марта Петр Чех дарвозасини ишғол қила билди. Бундан аввал, Месси жамоалар ўртасида ўтказилган 6 учрашувда чехиялик посбоннинг дарвозасига гол кирита олмаганди.
Мессининг Петр Чех дарвозасига йўл топа олмаслиги умумий ҳисобда 10 соату, 11 дақиқани ташкил этган.
