Мадриднинг “Реал” жамоаси ҳужумчиси Карим Бензема жароҳат олиб, сафдан чиқди.
Бу ҳақда испан нашрлари хабар берган. Маълумотларга кўра, франциялик ҳужумчи “Атлетико”га қарши (0:1) ўйинда белидаги шикастни янгилаган ва бунинг оқибатида 4 ҳафтага сафдан чиққан.
Маълумот ўрнида, Бензема жорий мавсумда Испания чемпионатининг 20 ўйинида майдонга тушиб, 19 та гол ва 2 та голли узатмага муаллифлик қилган.
