"Арсенал" раҳбарияти ёзги трансферларда жамоани кучайтириш мақсадида бош мураббий Арсен Венгерга 100 млн евро ажратишга тайёр.
Инглиз ОАВнинг хабар қилишича, клубнинг асосий мақсади ярим ҳимояни кучайтириш. Келаётган трансфер мавсумида "тўпчилар" сафини асосий таркибдан тушиб қолган Матьё Фламини, Киран Гиббз, Матьё Дебюши, Микель Артета ва Томаш Росицки катта эҳтимол билан тарк этади. Жамоа фахрийлари Лоран Косельни ва Пер Мертезакерга ўринбосарлар топиш ҳам вазифа қилиб қўйилган.
Таъкидлаш керакки, "Арсенал" етакчилар Алексис Санчес ва Месут Ўзил билан янги шартномалар имзоламоқчи. Ҳар икки футболчининг амалдаги келишуви 2018 йилга қадар мўлжалланган.
