Голливуд актёрлари 52 ёшли Брэд Питт ва 40 ёшли Анжелина Жоли ўртасидаги зиддиятларнинг янги тафсилотлари маълум бўлмоқда. Бу ҳақда “Woman.ru” нашри хабар бермоқда.
Янги миш-мишларга кўра, Брэд рафиқасининг танбеҳларидан,унинг тушкун кайфияти ва жанжал кўтараверишидан безор бўлган. Жолига рашк тинчлик бермайди, шунинг учун у Брэдни муттасил хиёнат қилганликда айблайди ва можаролар келтириб чиқаради.
Яқиндагина Анжелина фарзандаларига қарайдиган энагалардан бирини бўшатиб юборган. Жоли уни эри Брэд Питт билан яқин муносабатда бўлганликда айблаган.
Айтишларича, Жоли бошида энага ва Брэд ўртасидаги яқинликка аҳамият бермаган. Бироқ уларнинг ошхонада суҳбатлашиб тургани устидан чиқиб қолганидан сўнг, ортиқ бунга бардош бера олмаган.
Брэд эндигина душ қабул қилиб бўлган ва унинг устида сочиқдан бошқа нарса йўқ эди. У музлатгични очиб ўзига шарбат қуйиб ичган ва энага билан суҳбатлашаётган пайтда Анжелина келиб қолган.
Актриса айб кимда эканлигига ойдинлик киритиб ўтирмади. Энагани шу заҳотиёқ ишдан бўшатди.
“Энжи(Анжелина) фарзандлари билан шуғулланадиган энагалардан миннатдор эди. Бу оилада ишлашни истовчилар кўп эди. Бироқ актриса шахсан ўзи энагаликка номзодларни тналаб олган эди. Энжи ҳар ким ўз ўрнини билиши керак деган фикрда”,—деди оиланинг яқинларидан бири.
Маълумот учун, Анжелина Жоли ва Брэд Питт 2014 йилда расман никоҳдан ўтишган. Эр-хотиннинг умумий даромади ҳозирги кунда 480 миллион АҚШ долларини ташкил этмоқда. Агар миш-мишлар ўз тасдиғини топиб, улар ростан ҳам ажрашишса, бу ажрим уларга қимматга тушади.
