Бу ҳақида Бухоро вилояти Божхона бошқармаси хабар берди. Маълум бўлишича, куни кеча “Олот” чегара божхона пости ходимлари қўшни давлатдан юртимизга кириб келган юк автомашинаси белгиланган тартибда божхона назоратидан ўтказишганида,божхона кўриги давомида юк кузатув ҳужжатларида кўрсатилмаган, қиймати салкам 439 млн. сўмлик, 29 ўринда “металл иплар” товарларининг борлиги аниқланган.
Яна бир ҳолатда мазкур постга кириб келган юк автомашинаси “Инспекцион кўрик мажмуаси” орқали белгиланган тартибда божхона назоратидан ўтказилган вақтда юк кузатув ҳужжатларида кўрсатилмаган умумий қиймати 262 млн. сўмлик жами 63 номдаги 1161 дона автоэҳтиёт қисмлари борлиги аниқланган.
Ҳозирда мазкур ҳолатлар юзасидан божхона органлари томонидан суриштирув ҳарактлари давом эттирилаётгани айтилмоқда.
