Мадриднинг “Реал” жамоаси “Эвертон” клуби ҳужумчиси Ромелу Лукакуни ёзда сотиб олишга ҳаракат қилади. Бу ҳақда The Guardian хабар бермоқда.
Манбанинг таъкидлашича, Мадрид клуби бельгиялик футболчи учун 60 миллион фунт стерлинг (77 млн евро) тўлашга тайёр. “Қироллик клуби” скаутлари ушбу мавсум давомида 22 ёшли ҳужумчининг ўйинларини кузатиб, унинг ўйинидан мамнун бўлишган.
Жорий мавсумда ҳужумчи Англия чемпионатида 29 та ўйин ўтказиб, 18 та гол 6 та голли пасга муаллифлик қилган.
