“Ўзавтойул” пойтахтнинг “Қўйлиқ” ва “Абу-Сахий” бозорлари ёнидаги йўлларни кенгайтиришни режалаштирмоқда, деб ёзади “Sputnik” нашри.
Йўлнинг мазкур қисмларидаги транзит оқим бозорга йўналган тарнспорт оқимидан ажратилади. Бунинг учун Кичик Халқа йўли атрофида яна бир қанча маҳаллий йўллар қурилади.
Бозорга кираётган ва чиқаётган автомобиллар Кичик халқа йўлига тўғридан –тўғри эмас, бир неча километр масофани босиб ўтган ҳолда секин-аста қўшилади.
Жамоат транспорти учун асосий трассадан қўшимча йўлли махсус йўлаклар ва йўловчиларни тушириб, чиқариш имконини берувчи йўл тармоқлари қурилади.
Мана шундай чора-тадбирлар бозорлар олдидаги тирбандликларни бартараф этади. Икки бозор яқинидаги йўл қуриш ишларининг биринчи босқичи аллақачон бошланган.
