Қирғизистоннинг Қоракўл шаҳрида туғилган қора юнгли қўзичоқнинг танасида оқ рангли ёзуви бор. Бу ҳақда “Uz24.uz” хабар бермоқда.
Қўзичоқ эгасининг сўзларига кўра, аввалига бунга эътибор беришмаган. 20 кун ўтгач, унинг танасидаги ёзув янада аниқлаша бошлаган, яъни унда арабча “Аллоҳ” сўзи ёзилган. Ушбу қўзичоқ, шунингдек, одамнинг 5 панжаси шаклидаги узун думли бўлиб туғилган. Бироқ аста-секин дум хурпайиб, одатий кўринишга келган.
“Отам чорвадор бўлган. Мен ҳам чорвачилик билан шуғулланаман, бироқ умримда бунақасини кўрмаганман”, дейди қўзичоқ эгаси.
У ушбу қўзичоқни сотмаслигини ва сўймаслигини ҳам таъкидлаган.
