Бугун афсонавий футболчи ва мураббий, Голландия терма жамоаси ҳамда “Барселона” ва “Аякс”даги ўйинлари билан мухлислар ёдида қолган Йохан Кройф оламдан ўтди.
У бир неча йиллардан буён ўпка саратони касали билан курашиб келаётганди. Йохан Кройфф 68 ёшда вафот этди.
Йохан Кройфф футболчи сифатида 9 карра Голландия чемпиони, 3 карра ЕЧЛ соҳиби, Испания чемпиони ва Голландия терма жамоаси сафида ЖЧ–1974 турнирида кумуш медалига сазовор бўлган.
Мураббий сифатида Кройфф “Аякс”ни кубоклар Кубоги ва икки карра Голландия Кубоги соҳибига айлантирган. Шунингдек, у “Барселона” клубини тўрт карра Испания чемпиони ва ЕЧЛ соҳибига айлантирган.
