Тошкент шаҳри Фурқат номидаги маданият ва истироҳат боғи чорраҳасида мудҳиш ЙТҲ содир бўлди.
Бу ҳақда Facebook`нинг “Водители Ташкента” гуруҳи иштирокчилари хабар берди. Гуруҳ аъзоларининг айтишича, мазкур чорраҳада светофор эскиргани учун унинг қайси чироғи ёнганини кўриш мушкул. Шу сабабли ҳам мазкур ҳудудда тез-тез йўл-транспорт ҳодисалари юз беради.
Spark ва Nexia иштирокидаги ЙТҲ ҳам айнан шу сабабдан юзага келганлиги тахмин қилинмоқда. Суратда Spark автомобилининг ағдарилиб кетганини кўриш мумкин. Гувоҳларнинг айтишича, иккинчи автомобиль яъни Nexia`га унчалик зарар етмаган.
Ҳодиса оқибатида жабрланганлар ҳақида маълумотлар келтирилмаган.
