КХДР Ким Ир Сеннинг туғилган кунида илк марта “Мусудан” баллистик ракетани учирди. Бу ҳақда “Медуза” хабар бермоқда.
Жанубий Кореялик ҳарбийларнинг маълум қилишича, ракета учирилгандан сўнг у нормаль траекториясидан четга чиқиб кетган. АҚШ мудофаа вазирлиги ракета учирилиши муваффақиятсиз амалга оширилганини таъкидлади.
“Мусудан”—КХДРнинг ўртача узоқликка мўлжалланган биринчи ракетаси. У назарий жиҳатдан Американинг Гуам оролигача ҳарбий зарба бериши мумкин.
