Италиялик модельер Жоржо Армани ўзининг Giorgio Armani s.p.a. компаниясини махсус жамғармага топширмоқчи эканлигини айтиб ўтган. Бу ҳақда “Lenta.ru” хабар бермоқда.
Ташкилот менежменти шахсан дизайнернинг ўзи томонидан танлаб олинган ходимлардан ташкил топади.
“Ўтган йиллар ичида компания тақдири ҳақида кўп бош қотирдим. Ўйлашимча, жамғарма ташкил этиш—энг мақбул қарор. Жамғарма компания фаолиятига бевосита алоқадор бўлади ва юридик жиҳатдан бизнесни назорат қилади”,—деди Армани.
